10. januar 2024-imi Inatsisartut aningaasaqarnermut akileraartarnermullu ataatsimiititaliaata, sukkunut akitsuutip (001) atorunnaarsinneqarnissaa pillugu Naalakkersuisut qinnuteqaataat akueraa.
Tamanna ima isumaqarpoq, nioqqutissat akitsuutaat immikkoortoq 001 (SUKKUT SIRUPPILU) 1. Januar 2024-imiit atorunnaarmat.
Taamaattumik nioqqutissanik eqqussuisut akitsuutit immikkoortumi 001-imiittut, akitsuutinik nalunaarsuinerminni, akitsuutit immikkoortuat 001 nalunaarsortarunnaassavaat.
Akitsuutinik akileriikkanik utertitsineq
Suliffeqarfik nioqqutissat akitsuutaannik immikkoortoq 001-ip ataaniittunik piffissami 1. januarimiik ullumikkumut eqqussisimaguni, taava suliffeqarfiup akitsuutit akileriikkat pillugit utertinneqarnissaannut qinnuteqarsinnaavoq.
Suliffeqarfik utertitsinissaminut kissaateqaruni uunga saaffiginnissaaq, Akileraartarnermut Aqutsisoqarfik toldindberetning@nanoq.gl