Akiliunneqarluni angalanerit ilaannakortumik akiliunneqarluni angalanerit aamma sumiiffiup suliffiugallartup il.il. nalinginnaasumillu najukkap akornanni angalanerup akileraaruserneqartarnerat pillugit ilitsersuut nutaaq saqqummerpoq.
Akiliunneqarluni angalanerit akileraaruserneqartarnerat pillugu maleruagassat nutaat Inatsisartut, Aningaasarsianit akileraarutit pillugit Inatsisartut inatsisaata nr. 12, 2006-imeersup1 allanngortinneqarneranik Inatsisartut inatsisaanni nr. 11, 1. december 2021-meersumi § 19 b-kkut aalajangiuppaat. Maleruagassat ukioq aningaasarsiorfiusoq 2022 aallarnerfigalugu atuutilerput.
Ilitsersuummi uani pineqarput:
๏ Akiliunneqarluni angalanerit
๏ Ilaannakortumik akiliunneqarluni angalanerit
๏ Sumiiffinnit suliffiugallartuniit il.il. nalinginnaasumik najukkamut angalanerit
Ilitsersuummi pineqarput sulisup sulisitsisuminit akiliunneqarluni angalaneri, tassa angalaneq sulisumut namminermut tunngagaangat. Ilitsersuut aamma atuuppoq inunnut siulersuisuni, ataatsimiisitaliani,
isumalioqatigiissitani, siunnersuisoqatigiinni, maalaartarfinni oqartussatulluunniit suleqatigiiffiusuni allani, matumani ilanngullugit Naalakkersuisuni, Inatsisartuni kommunalbestyrelsenilu ilaasortatut qinigaasimasunut
taakkununngaluunniit ikiortaasunut.