Akileraartarnermut Aqutsisoqarfiup nittartagartaavata siunertaraa ajornannginnerusumik imminut kiffartuussinnaaneq.

Qitiusumik allattoqarfiup serveriisa ajutoornerat pissutigalugu nittartakkat pisoqaanerusut atorunnaarsinneqarput. Tamanna isumaqarpoq pilersaarutit malillugit siusinnerusumik Akileraartarnermut Aqutsisoqarfiup nittartagaata nutaap saqqummerneranik.

Akileraartarnermut Aqutsisoqarfiup nittartagartaavata isikkua nutaajuvoq, ilusilersorneratalu siunertaraa ajornannginnerusumik paasissutissanik ujartuiffigineqarsinnaanera minnerunngitsumillu imminut kiffartuussinnaanerup ajornannginnerunissaa.

Akileraartarnermut Aqutsisoqarfimmi allaffimmi pisortaq, Miki Jensen, oqarpoq:

Akileraaruserivik, akitsuutit, akiliisitsiniartarfik soraarnerussutissiallu pillugit paasissutissat ajornannginnerusumik immikkoortinneqarput. Taassumalu siunertaaraa akileraartartunut ajornannginnerunissaa. Imminut kiffartuussinnaaneq periarfissanngortinneqarpoq sullissivik.gl-ikkut kiffartuussiviit suleqatigilerlugit.

Nittartakkap ineriartornissaa periarfissallu nutaat ikkussorneqarnissaat anguniagaavoq.

Nittartagaq Digitalimik Sullissinermut Aqutsisoqarfik qanimut suleqatigalugu suliarineqarpoq.