airplanebooksbriefcase business cogs cross election entertainment fish house law lockmedicalpeopleselfservices socialtax

Akitsuutit allanngortinneqarneri

19. november 2019

Inatsisartut 2020-imut aningaasanut inatsisissamut atatillugu ulloq 18. november 2019 suliaqarnerminni nioqqutissanik eqqussuinermi akitsuutit ukununnga tunngasut qaffaaffiginissaat akuersissutigaat:

  • Sukkut il.il.
  • Mamakujuit sukkulaatillu
  • Imigassat aalakoornartortallit, kiisalu
  • Tupanit nioqqutissiat

Taamatuttaaq nutaamik ukununnga akitsuusiisoqartalissaaq.

  • Puussiat, aamma
  • Ussassaarutitut naqitat inoqutigiinnut agguaassassat

Akitsuutinut allannguutit tamarmik ulloq 19. november 2019 aallarnerfigalugu atuutilissapput.

Taakkununnga ilutigitillugu ATV-iit il.il. nioqqutissanik eqqussuinermi akitsuutaasa ulloq 19. november 2019 aallarnerfigalugu atorunnaarsinneqarnissaat aalajangiiffigineqarpoq, taamatuttaaq qamuteralaat nioqqutissanik eqqussinermi akitsuutaat 1. januar 2021 aallarnerfigalugu atorunnaarsinneqassasoq aalajangiiffigineqarluni.

Inatsisartut aalajangerputtaaq qamutit motoorillit akileraarutaannut malittarisassat allanngortinneqassasut. Allannguutit ima kinguneqartitsissapput:

  • Qamutit innaallagissamik ingerlateqartut kiisalu plug-in-hybridbiilit qamutit motoorilinnut akileraarummik 1. april 2020-miit ukiumut 6.554 koruuninik akileraaruteqartinneqartalissapput.
  • ATV-iit il.il. qamutinut motoorilinnut ukiumut akileraarutaat 1. april 2021-miit 2.000 koruuninut appartinneqassaaq.
  • Kiisalu akiliinissamut piffissarititat 20. april aamma 20. oktober allanngortinneqarput imaalillugit 30. april aamma 31. oktober.

Akitsuutit/Akileraarutit il.il. annertussusigiligaat pillugit paasissutissat ukunani atuarneqarsinnaapput:

 Qamutit motoorillit akilileraarutaat pillugit Inatsisartut inatsisaata allanngortinneqarnera pillugu Inatsisartut inatsisaat nr. 22, 18. november 2019-imeersoq

 Kontumut pingaarnermut, 24.11.10 Nioqqutissanik eqqussuinermi akitsuutinut oqaasertaliussat nutaat

 Nioqqutissanik eqqussuinermi akitsuutit pillugit Inatsisartut inatsisaata allanngortinneqarneranik Inatsisartut inatsisaat nr. 23, 18. november 2019-imeersoq

Nioqqutissat eqqussukkat akitsuutaat, November 2019 (pdf-format) aasinnaavat uani