2018-imut siumoortumik nalunaarsuineq
2018-imut siumoortumik nalunaarsuinissamut killiliussamik sivitsuineq.
2018-imut siumoortumik www.aka.gl -ikkut aamma www.sullissivik.gl -ikkut nalunaarsuinissamut killigititaq matumuuna sivitsorneqarpoq 15. november 2017-imiit 20. november 2017-imut, sullissivik.gl -ip quppernerata kukkuneqarnera pissutigalugu.
Akileraartarnermut Aqutsisoqarfiup nammineq-toortaalluni-aaqqiissutaa www.aka.gl-imiittoq aqqutigalugu suli siumoortumik nalunaarsuisoqarsinnaavoq, inuttut normut aammalu nammineq-tootaalluni-isissutissaq siumoortumik nalunaarsuiffiup saqqaani allassimasoq atorlugu.
2018-imut siumoortumik nalunaarsuinermi immersugassamik naqeriikkamik tigusaqarsimannngikkuit, Akileraartarnermut Aqutsisoqarfimmut saaffiginninnikkut pissarsiarisinnaavat, immersuiffissamilu tassani nammineq-toortaalluni-aaqqiinermi isissutissaq allassimassaaq.
2018-imut skattekortimik eqqortumik pissaguit, piffissanngorpoq siumoortumik nalunaarsuinermik allattuiffissamik immersuinissannut.
Akileraaruseriffiup 2016-imut aamma 2017-imut paasissutissat nalunaarsorneqarsimasut tunngavigalugit siumoortumik nalunaarsuineq ingerlatissavaa.
Paasissutissani naqinneqareersuni taakkunani eqqunngitsoqarpat imaluunniit paasissutissat amigaateqarpata siumoortumik nalunaarsuiffik paasissutissanik eqqortunik immersugaq Akileraartarnermut Aqutsisoqarfimmut nassiutissavattaaq.
2018-imut siumoortumik nammineerlutit nalunaarsuiniaruit allattuiffissatut immersugassamik ukunani aallersinnaavutit:
• Akileraartarnermut Aqutsisoqarfimmut
• Kommunip allaffianut imaluunniit nunaqarfinni allaffimmut
• Nittartagaq www.aka.gl
• Nittartagaq www.sullissivik.gl
Siumoortumik nalunaarsuiffik piaartumik kingusinnerpaamillu 15. november 2017 Akileraartarnermut Aqutsisoqarfimmut nassiunneqassaaq.
Paasissutissat tamakkiisumik atuarsinnaavatit uani