Nalunaaruteqarneq - qaammammut nassuiaateqarneq

Sulisorsi pillugu soraarnerussutisiaqarnissamut aaqqissuussinernut Kalaallit Nunaata avataani inissisimasunut soraarnerussutisiaqarnissamut akiliisarussi, aningaasarsianit akileraartarnermut tunngasuni inatsimmut nutaamut atatillugu, 1. januar 2017-imiit qaammammut nassuiaatit pillugit sulisitsisutut nalunaaruteqartarnersi allanngortinneqarpoq.

Kisianni soraarnerussutisiaqarnissamut aaqqissuussinernut Kalaallit Nunaanni inissisimasunut soraarnerussutisiaqarnissamut akiliisarussi allannguisoqanngilaq pisarnersilu malillugu nalunaaruteqartassallusi.

Qaammammut nalunaarutit immersuiffissanik nutaanik marlunnik ilaneqarput, tassani nunani allani soraarnerussutisiaqarnissamut aaqqissuussinernut akiliisarnerit aamma akileraarutit akiliutiniit ilanngaatigineqartussat nalunaarsorlugit immersorneqartassallutik. Immersuiffissat nassuiaammi immersugassaq A1-imi 9-mik aamma 11-imik normoqarput, Sulisitsut allattorsimaffianni pineqarsinnaallutik,

Immersuiffissat nutaat taakku marluk sulisorsi pillugu soraarnerussutisiaqarnissamut aaqqissuussinermut Kalaallit Nunaata avataani inissisimasumut soraarnerussutisiassanut akiliisarussi taamaallaat atorneqassapput.

Sulinal-imi ilitsersuut erseqqinnerusumik misissorsiuk.