Apeqqutit apeqqutigineqakulasut

Nalunaaruteqarnermut – qaammammut nassuiaammut apeqqutit apeqqutigineqakulasut

Nunani allani soraarnerussutisiaqarnissamut aaqqissuussinernut soraarnerussutisiaqarnissamut akiliutit qanoq nalunaarutigisassavagut?
Qaammammut nalunaarutit immersuiffissanik nutaanik marlunnik ilaneqarput, tassani nunani allani soraarnerussutisiaqarnissamut aaqqissuussinernut akiliisarnerit aamma akileraarutit akiliutiniit ilanngaatigineqartussat nalunaarsorlugit immersorneqartassallutik. Immersuiffissat nassuiaammi immersugassaq A1-imi 9-mik aamma 11-imik normoqarput.

Immersuiffissat nutaat taakku marluk sulisorsi pillugu Kalaallit Nunaata avataani inissisimasumut soraarnerussutisiaqarnissamut aaqqissuussinermut soraarnerussutisianut akiliisarussi aatsaat atorneqassapput.
Sulisitsisut allattorsimaffianni ilitsersuut erseqqinnerusumik misissorsiuk.

Kalaallit Nunaata avataani soraarnerussutisiaqarnissamut aaqqissuussinernut siuartitamik akileraaruserneqarsimasunut apeqqutit apeqqutigineqakulasut

Sulisugut annikinnerusumik soraarnerussutisisassappat?
Soraarnerussutisiaqarnissamut akiliutiniit tamarmiusuniit akileraarut ilanngaatigineqartassaaq. Tassa imaappoq, soraarnerussutisiaqarnissamut aaqqissuussinermut sulisup soraarnerussutisiaqarnissamut nammineq akiliutai aamma sulisitsisup soraarnerussutisiaqarnissamut akiliutai.
Siuartitamik akileraarusiineq taamaalilluni taamaallaat soraarnerussutisiaqarnissamut akiliutinnut attuumassuteqarpoq. Sulisup akissarsiai taamaattumik allannguuteqassanngillat, taamaattorli soraarnerussutisiaqarnissamut aaqqissuussinermut soraarnerussutisiaqarnissamut akiliutit annikinnerulissapput. Tamannali isumaqanngilaq sulisup soraarnerussutisiassai ikinnerulissasut, tabeli ataaniittoq takujuk.

Assersuut

42 %-imik akileraarfiusoq

Soraarnerussutisia-qarnissamut akiliineq qaammammut

Soraarnerussutisia-qarnissamut akiliineq

ukiumut

Ukiut 30-it kingorna

soraarnerussutisiat tigusat

Ukiut 30-it kingorna soraarnerussutisiat tigusat, akileraarutillu akilereerlugit

01.01.2017 sioqqullugu

Kr. 3.000

Kr. 36.000

Kr. 1.080.000

Kr. 626.400

01.01.2017 kingorna

Kr. 1.740

Kr. 20.880

Kr. 626.400

Kr. 626.400



Tapiissutit pillugit apeqqutit apeqqutigineqakulasut

Sooq tapiisoqartarpa?
Siuartitamik akileraartarnermut atatillugu ikaarsaariarnermi aaqqissuussinermik pilersitsinissamut aalajangiisoqarsimavoq. Piffissami ikaarsaariarfiusumi innuttaasunut pineqartunut taarsiissutitut tapiissuteqartoqassaaq.

Taarsiissutitut tapiissuteqartoqartarpoq, inatsimmi suliniutinut nutaanut atatillugu innuttaasut eqqorneqartut, allaffissornikkut peqquteqartumik, soraarnerussutisiaqarnissamut ileqqaagaat pioreersut unitsinneqassammata peqatigisaanillu nutaamik pilersitsisoqassalluni, aningaasanik akileraaruserneqartunik ileqqaagaqarneq tassani nanginneqassalluni. Tamanna amerlasuutigut ileqqaagaqarnerup allanngortinnerani aningaasartuuteqarnermik kinguneqassaaq tapiissutillu taamatut aningaasartuuteqarnermut taarsiissutitut eqqarsaatigineqarlutik.

Inatsit uani takujuk

Kikkut tapiissutisisinnaappat?
Sulisut piumasaqaatinik ataani allassimasunik naammassinnittut:
• Kipitinneqanngitsumik tamakkiisumik 31. december 2016-imili Kalaallit Nunaannut akileraartussaatitaasut.
• Kalaallit Nunaata avataani soraarnerussutisiaqarnissamut aaqqissuussinermut 2016-imi ilanngaatigineqarsinnaasunik sulisitsisullut akiliutaannik ilanngaateqarsinnaatitaasunik akiliuteqarsimasut.
• Soraarnerussutisiaqarnissamut aaqqissuussinernut qulaani taaneqartunut suli akiliisartut.

Innuttaasoq Kalaallit Nunaannut tamakkiisumik akileraartussaajunnaarpat tapiissutit unitsinneqassapput.

Inatsit uani takujuk

Qanoq annertutigisumik tapiissuteqartoqassava?
Tapiissutit akileraaruteqaataassapput. Tapiissutit ukiuni aningaasarsiorfiusuni 2017 – 2019-imi akileraarutit akilertinnagit soraarnerussutisiassanut akiliutit 5 %-iannik annertussuseqarput, taamaattorli qaammammut annerpaamik 420 kr.-it. Ukiuni aningaasarsiorfiusuni 2020 – 2021-imi akileraarutit akilertinnagit soraarnerussutisiassanut akiliutit 3 %-iannik annertussuseqarput, taamaattorli qaammammut annerpaamik 250 kr.-it.

Inatsit uani takujuk

Sulisugut tapiissutinik qanoq pissarsisinnaappat?
Pisortani sulisitsisunut (Namminersorlutik Oqartussat taassumalu ataani suliffeqarfiit (tassunga ilanngullugit suliffeqarfiit namminersortitat, Nukissiorfiit, Mittarfeqarfiit aamma Asiaq) kiisalu kommuninut atuuttoq tassaavoq sulisup soraarnerussutisiaqarnissamut aaqqissuussaanut tapiissutit akilerneqartassapput, qaammatit tamaasa akissarsisitsinermi nalinginnaasumik soraarnerussutisiaqarnissamut akiliutit peqatigalugit.

Sulisitsisunut allanut tamanut atuuttoq tassaavoq sulisut, tapiiffigineqarnissamut piumasaqaatinik naammassinnittut nammineerlutik tapiissutit pillugit Akileraartarnermut Aqutsisoqarfimmut qinnuteqartassapput. Sulisoq piffissami ukiup tulliani juulip aallaqqaataaniit septemberip 30-anut ukiumi aningaasarsiorfiusumi siulianiittumi akiliutit pillugit tapiissutit tigunissaat Akileraartarnermut Aqutsisoqarfimmut qarasaasiakkut qinnuteqaammik nassiussisinnaavoq. Qinnuteqaat suliarineqarpat akuersissutigineqarpallu tapiissutit toqqaannartumik sulisumut Akileraartarnermut Aqutsisoqarfimmiit tunniunneqartassapput.

Inatsit uani takujuk