Immikkoortortaqarfimmi aqutsisoq


Akileraartarnermut Aqutsisoqarfik immikkoortortaqarfimmi aqutsisumik Sulisitsisut allattorsimaffiannut (Sulinal) Nuuk-mi pissarsiorpoq.
Akileraartarnermut Aqutsisoqarfik immikkoortortaqarfimmi pisortassarsiorpoq ulloq 1. august 2021 isumaqatigiissuteqarnikkulluunniit sulilersussamik.

Atorfik Sulisitsisut allattorsimaffiata allaffiani Akileraarutit Nakkutilliinermillu Immikkoortortaqarfiup ataaniittumi inissisimavoq.

Suliassat:
  • Immikkoortortaqarfimmi aqutsisutut akisussaaffigissavatit siulersorlugu allaffissornikkut suliassat sulisitsisuniit qaammammut aammalu ukiumut nalunaarsukkat.
  • Isumagisussaallugu sullissinermi pitsaassutsimigut, sullerissusikkut aamma isumannaatsumik sivikinnerpaamillu immikkoortortaqarfiup suliarissarisartagai suliarineqarnissai.
  • Sammisaqarfimmi sulisitsisut sullinneqarnissai qulakkeerniassallugit eqqortumik nalunaaruteqarnissaat aammalu qarasaasiatigut system-it atorneqarnissaannik eqaallisaaqataassallutit.
  • Sammisaqarfiup sulisitsisuniit nalunaarsukkat naligiissaassallugit, sulisitsisut ingerlalernerani aammalu sulisitsisutut taamaatittut nalunaarneri, saaffiginnittunut sullissinerit, oqarasuaatikkut aammalu qarasaasiakkut allakkat isaasut, nukingisaarutinik ingerlatsineq, elektronisk-imik akileraarutit allagartaanik pilersitsiniarnermi peqataasarneq.
  • Suliassat nalinginnaasut saniatigut allanut suliassanut peqataasarnissaq, immikkoortortaqarfiillu allat akimortumik suleqatigisarnissai.
Suleriaatsit qulaani taaneqartut pillugit ilinniartitsinneqarumaarputit. Ullumikkut immikkoortortaqarfimmi suleqatigiit tallimaapput.
Nakkutilliinermi allaffimmi pisortaq qaninnertut aqutsisorissavat.

Piginnaasassat:
  • NI 2-tut, EVU, EFG-tut assigisaannilluunniit ilinniagaqarputit
  • Qarasaasialerinermut pikkoriffeqarnissaq
  • Allattariarsornikkut oqaluttariarsornikkullu pikkoriffeqarnissat, kalaallisut oqalussinnaaneq, qallunaatut tuluttullu iluaqutaassaaq.
  • suliffinnik assingusunik misilittagartuunissaq, soqutigisaqarluartuunissat aamma namminersorlutit sulisinnaanissat, peqataalluartuunissat, aalajaallutillu akisussaaffeqarnissat.
  • Atorfimmut ilisimasaqareerneq, inatsisitigut naatsorsuuserinermut paasinnilluarsinnaaneq.
Atorfik pillugu saaffiginniffissaq:
Atorfik pillugu annertunerusumik paasissutissat Alaffimmi Pisortamut Charlotte R. Lyberth saaffigineqarsinnaavoq, oqarasuaat toqqaannartoq 34 65 14, e-mail: cly@nanoq.gl

Qinnuteqaat:

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Piffissaq qinnuteqarfissarititaasoq kingulleq:

Qinnuteqaat kingusinnerpaamik Akileraartarnermut Aqutsisoqarfiup tigusimassavaa 1. juli 2021.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut uani "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.