Akileraaruserinermut Nakkutilliinermullu Immikkoortortaqarfimmi pisortaq


Akileraartarnermut Aqutsisoqarfik Akileraaruserinermut Nakkutilliinermullu Immikkoortortaqarfimmut Nuummiittumut immikkoortortaqarfimmi pisortassarsiorpoq.


Akileraarutit pillugit akileraaruserinikkut suliaqarnermi ilisimasaqarluartuusariaqassaatit pisortatullu piginnaasaqarluassallutit. Akileraarutinik akitsuutinillu akiliisitsiniartarnerit, kiisalu innuttaasunut suliffeqarfinnullu nakkutilliilluni suliaqarnerit qulakkeerniarlugit sunniuteqarsinnaassuseqassallutit. Inummik pilersaarusiortarnernik, suliassanik tulleriiarillaqqissumik, ineriartortitsisarnernik malitseqartitsisarnermillu piginnaasalimmik aammalu immikkoortortaqarfiup tamarmiusup ulluinnarni suliarisartagaanut ikorfartueqataasinnaasumik pisariaqartitsivugut.
Akileraartarnermut Aqutsisoqarfiup Akileraaruserinermut Nakkutilliinermullu Immikkoortortaqarfianut akisussaasuussaatit tassanilu atinni maannakkut allaffimmi pisortat  marluk,  30-inillu sulisoqarluni, sumiiffinnut (illoqarfinnut) tallimanut agguarsimasut.
Immikkoortortaqarfiup makku suliarisarpai: Innuttaasunik suliffeqarfinnillu siunnersuisarnerit ilitsersuisarnerillu, inuit akileraaruteqartussaasut allaffissornikkut aqunneqarneri taakkulu aningaasarsiaannik akileraaruteqaataasussanik angissusiliinerit, selskabit aammalu inuussutissarsiutinik ingerlatsisut anginerit aningaasarsiaannik akileraaruteqaataasussanik angissusiliinerit akileraaruserinermilu kukkunersiuinerit, kiisalu suliffeqarfinnik nalunaarsuineq suliffeqarfinnullu nakkutilliineq.
 
Akisussaaffiit

  • Immikkoortortaqarfiup ingerlatsineq suliassatigullu suliarisartagaanik sulianut tunngasutigut ineriartortitsineq
  • Sulisoqarnermut pikkorissaanerit suliassanillu nutaanik atuutilersitsinerit
  • Akileraarutitigut aaqqissuussinernik qarasaasiatigut atortorissaarutinik pitsanngorsaaneq, tassunga ilanngullugit soorlu inatsisitigut allannguinerni ineriartortitsineq naleqqussaanerlu.
  •  Suliassanut akisussaaffinnullu tunngatillugu suliassanik aningaasaqarnermullu pilersaarusiortarneq
  • Kalaallit Nunaanni, Danmarkimi kiisalu Nunani Avannarlerni pisortaqarfinnik suleqateqartarnernik pitsanngorsaaneq ineriartortitsisarnerlu
  • Politikikkut aqutsisut aalajangiinissamut tunngavissaannik suliarinnittarnerit pitsaassusaannik qulakkeerinninnissamut peqataasarneq aammalu suliassat allaaserineqartut iluini politikikkut aalajangikkanik piviusunngortitsisarnerit.
 
Piginnaasanut piumasaqaatit
Pisortamik akileraaruserinikkut suliaqarnermi ilisimasaqarluartumik, inatsisilerinermik tunuliaquteqarsinnaasumik naleqqussinnaasumilluunniit ilinniagaqarsimasumik pisortassarsiorpugut.  Pisortaqarfinni namminersorlutilluunniit suliffeqarfinni aqutsinikkut misilittagalimmik pissarsiorpugut.
 
Suliassanut tunngasut nikerarlutillu ilanngussorfiulluarmata, pilersaarusiornerit, tulleriiaarisarnerit  aaqqissuussisarnernillu ataqatigiissaarisarnerit pillugit inuttut pitsaasunik nukittuunillu piginnaaneqarnissamut piumasaqaatitaqarput.
Kalaallisut, danskisut tuluttullu oqaatsinik ilisimasaqarneq iluaqutaassaaq, inuiaqatigiinnut kalaaliusunut tunngasunik ilisimasaqarluarneq aammalu inuiaqatigiinnut kalaaliusunut tunngasunik oqaasiinillu paasinnissinnaaneq iluaqutaassaaq. 
 
Atorfik pillugu saaffiginninneq
Atorfik pillugu annertunerusumik paasissutissanik pissarsinissannut tikilluaqquneqarputit uunga saaffiginninnikkut aqutsisoqarfiup pisortaa Kim Neumann Nielsen oqarasuaatikkut +299 34 65 31 e-mail-ikkulluunniit knn@nanoq.gl

Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 


E-mail-ikkut qinnuteqaatinik tigusineq ajorpugut.