Siumoortumik nalunaarsuinermi immersugaq e-Boksinni misissussallugu eqqaamajuk

Siumoortumik nalunaarsuinermi immersugaq e-Boksinni misissussallugu eqqaamajuk

Ukioq mannamiit Akileraartarnermut Aqutsisoqarfik allakkanik allakkerivikkut nassiussisarunnaarpoq. Siumoortumik nalunaarsuinermut immersukkamik, inaarummik naatsorsuutit, tunisinermut allagartaq allalu ukioq mannamiit allakkat Digitalinngorlugit nassiunneqartalerput.

Akileraartarnermut Aqutsisoqarfik oktobarimi siumoortumik nalunaarsuinermut immersukkamik innuttaasunut 20.000-it missaaniittunut nassiussuivoq. Siumoortumik nalunaarsukkat, ukiuni aningaasarsiorfiusuni 2020 aamma 2021-imi, isertitanut paasissutissat tunngavigalugit naatsorsugaapput.

Taamaattumik ukiumut aningaasarsiorfiusumut 2022-imut isertitatit allannguuteqassasut naatsorsuutigigukku, siumoorlutit nalunaarsuinissat kaammattuutigaarput. Taamaalillutit ukiumut 2022-imut akileraarpallaarnissat akileraarnikippallaannginnissalluunniit qulakkiissavat.

Siumoortumik nalunaarsukkamik nassinneqarsimanngikkuit Sullissivik.gl-imi ”Akileraarutikka”-mi akileraarutinut paasissutissat ilinnut tunngasut takusinnaajuannarpatit.


Qaqugu siumoortumik nalunaarsukkat nassiutissavakka?

2022-imi siumoortumik nalunaarsuinissat immikkut ittumik eqqumaffigissavat ima pisoqarpat, ajunngitsorsiassaqarsoriguit il.il., imaluunniit namminersorlutit inuussutissarsiortuuguit tunisinermi ilanngaatitittaruit imaluunniit akileraarutit B-nik akileraarutissaqaruit.

Piffissat ataani taaneqartut nallertinnagit siumoortumik nalunaarsuiguit, 2022-imut akileraartarnermut allagartamik iluarsisamik nassinneqassaatit.

  • Pappiaqqamut siumoortumik nalunaarsuineq imalt. allakkatigut: 15. november 2021.
  • Qarasaasiatigut siumoortumik nalunaarsukkat Sullissivik.gl-ikkut imalt. aka.gl-ikkut: 22. november 2021.

Akileraartarnermut Aqutsisoqarfiup innuttaasut e-boksertik alakkallattaartaqqullugu kajumissaarutigissavaa. Taamaalillutit akileraarutitigut equngasoqannginnera nammineerlutit qulakkeersinnaavat. Akileraartarnermut allagartassat e-boksikkut aamma nassiunneqassaaq.


Akileraartarnermut Aqutsisoqarfimmiit allakkat e-boksikkut nassiunneqartarput

Ulloq 1. januar 2021 aallarnerfigalugu Kalaallit Nunaanni innuttaasut tamarmik 15-ileereersimasut Pisortanit Digitalimik Allagarsisalernissaminnut pisussaaffeqalerput. Tamanna isumaqarpoq, pisortaniit innuttaasumut allakkat siunissami annertunerusumik Sullissivik.gl aamma e-Boks aqqutigalugu apuussorneqartalernissaat.
2/2
Taamaattumik Sullissivik.gl-imi digitalimik allagarsisarfiit misissortassallugu eqqumaffigissavat. E-boksit aaqqissinnaavat digitalikkut allagarsigaangavit sms-imut imalt. e-mailimut nalunaaruteqartussanngorlugu.
Innuttaasut 1950 sioqqullugu inuusimasut allallu allakkanik digitaliusunik pisartagartussaanngitsut Akileraartarnermut Aqutsisoqarfimmit allakkerivikkut suli allagarsisassapput.
Sullissivik.gl-imi allakkat digitaliusut paasisaqarfiginerusinnaavatit.