Soraarnerussutisiaqarnissamut aaqqissuussinernut nunani allaniittunut akiliisimanermi tapiiffigineqarnissamik qinnuteqarfissanngorpoq

Pension_3


Soraarnerussutisiaqarnissamut aaqqissuussinernut Kalaallit Nunaata avataaniittunut akiliisimanermi tapiiffigineqarnissaq 1. juli 2021-miit 30. september 2021-mut qinnutigineqarsinnaavoq. Piffissaliussaq qaangiutereersoq qinnuteqartoqarsinnaanngilaq.

Tapiissutit angissusii tapiiffigineqassagaannilu piumasaqaatit pillugit paasissutissat erseqqinnerusut uani takuneqarsinnaapput.

Malugiuk:
Namminersorlutik Oqartussani suliffeqarfiinilu kiisalu kommunini sulisut tapiiffigineqarnissamik qinnuteqarsinnaanngillat, tapiissutimmi sulisut aningaasarsiaannut ilanngullugit tunniunneqartarput.

Suliffeqarfinni namminersortuni, kattuffinni il.il. sulisut tapiissutinik tunineqarnissartik Akileraartarnermut Aqutsisoqarfimmut qinnutigisinnaavaat, takuuk ilitsersuut.

Soraarnerussutisiaqarnissamut aaqqissuussineq PFA Soraarnermi, maanna atorunnaarsimalersumi pilersinneqarsimasoq tassaanngilaq aaqqissuussineq nunami allamiittoq, taamaattumillu tassunga tunngatillugu tapiissuteqartoqartanngilaq.

Tapiiffigineqarnissamik qinnuteqarneq taamaallaat elektroniskiusumik pisinnaavoq.