Akiliisitsiniartarnerni immikkut takussutissanut allannerit amigaataapput

Beskåret billede af hovedindgang


Sulisitsisunut nalunaarut


Akiliisitsiniartarnerni immikkut takussutissanut allannerit amigaataapput


Akileraartarnermut Aqutsisoqarfik 2021-mi februaarimut akileraarutinut A-nut, Ama-mut, A-nut akiliutinut akiligassanik ullormi 6. april 2021 kingusinnerpaamik akilerneqartussanik nassiussuisimavoq. Akiliisitsiniarnerni pineqartuni immikkut takussutissani allanneqartartut takuneqarsinnaanngillat, tamakku pisarneq malillugu akiliisitsiniarnerni ilaasaraluarput.

Akileraartarnermut Aqutsisoqarfiup tamanna ajuusaarutigaa. Aaqqiissutissamik suliaqartoqarpoq siunissami immikkut takussutissanut allanneqartut takuneqarsinnaalersinniarlugit.

Suliffeqarfiutinni kontumi aniasunut takussutissat sumi nassaarisinnaavakka?
Sulisitsisut ernianut takussutissanik kontunilu aniasunik aallerniarunik tamakku taamaallaat https://akap.sullissivik.gl/-imi nassaassaapput - Sulisitsisup nammineq ilisarnaatini atorlugu isertussaanera malugeqquneqarpoq.

Aningaasaqarnermut aqutsissummik nutaamik atuilernerup kingorna sulinal.nanoq.gl aqqutigalugu Nets aqqutigalugu akiliisitsiniarnernut tunngassutillit aasinnaanerat periarfissaajunnaarsimavoq. Piffissamut 1/7-2007-imiit 17/2-2021 tikillugu ernianut takussutissat ernianullu allakkiat qangarnisaanerusut suli https://sulinalitoqaq.nanoq.gl/ aqqutigalugu aaneqarsinnaapput.

Suliffeqarfiit akiligassaat sooq allakkatigut nassiunneqartarpat?
Inatsisinik suliaqarnermi kinguaattoortoqartarnera pissutigalugu sulisitsisunut akiliisitsiniarnerit allagaannartigut nassiunneqarsinnaapput. Akiliisitsiniarnerit 2021-p ingerlanerani eBoks aqqutigalugu nassiunneqarsinnaanissaat ilimagineqarpoq.