Aningaasat ileqqaakkat erniaannut negativiusunik nammineerluni nalunaarsuiffimmi nalunaarutiginissaat


Aningaaseriviit arlallit, aningaasat ileqqaakkat erniaannik negativiusunik 2020-mi atuutilersitsipput. Innuttaasut ernianut aningaasartuutiminnik taakkuninnga ilanngaateqarsinnaanerat tamatuma kinguneraa. Ileqqaakkatit 2020-mi negativinik erniaqarsimappata, taakku nammineerluni nalunaarsuiffiup immersugassartaanut 59-imut nuunnissaat illit nammineq isumagissavat.

Nammineerluni nalunaarsuiffiit amerlanersaanni negativimik erniat isertitatut allaqqapput. Taamaattumik erniat taakku nammineerluni nalunaarsuiffiup immersugassartaanut 59-imut illit nammineerlutit nuuttariaqarpatit.