Qamutit motoorillit akileraarutaannik 2021-mi akiliiffissat

Beskåret billede af hovedindgang


Akileraartarnermut Aqutsisoqarfimmit erseqqissaassutigineqarpoq qamutit motoorillit akileraarutaat ukiup affakkaarlugu akilerneqartartoq ataasinngorneq 3. maj 2021 akilerneqassammat. Taamaattumik akiligassaq Betalingsservice-mi qaammammi maajimi takuneqarsinnaassaaq.


Akiliiffissap allanngortinneqarneranut pissutaavoq, piffissaq eqqorlugu akiliiffissaq ulloq kingulleq arfininngorneruppat, sapaataappat imaluunniit nalliuttuuppat, piffissamut killiliussat ulluinnarmut tullermut sivitsorneqartarmat.

Ukiup affakkaarlugu akilerneqartussap tullia aamma allanngortussaavoq, akilerneqassaluni ataasinngorneq 1. novembari 2021.


Qamutit motoorinut akileraarutaat akilerusuppara. Qanoq iliussaanga?
Innuttaasut amerlanerit qamutit motoorillit akileraarutaat Betalingsservice (PBS) aqqutigalugu akilertarpaat. Akiligassat ingerlaannartumik isumagineqartussanngorlugit akilerneqartarput.

Betalingsservice-eqanngikkuit, banki aqqutigalugu uunga akiliisinnaavutit: 6471 – 1000842
Bankikkut nuussinermi eqqaamallugu nummerplade aamma CPR Nr-muit allannissai.

Qamutit motoorillit akileraarutaat Akileraartarnermut Aqutsisoqarfiup Sullissiviani ukunani aamma akilerneqarsinnaavoq: Nuuk, Sisimiut, Ilulissat, Qaqortoq aamma Maniitsoq.

Qamutit motoorillit akileraarutaat, piumasaqaatit akigititallu pillugit uani annertunerusumik paasisaqarfigiuk: https://www.sullissivik.gl/Emner/B_SKAT/Afgifter/Motorafgift_nyt-design?sc_lang=kl-GL