2021-imut siumoortumik nalunaarsuineq

 

 

2021-imut skattekortimik eqqortumik pissaguit, pif­fis­san­ngorpoq siumoortumik nalunaarsuinermik allattuiffissamik immersuinissannut.

 

Akileraaruseriffiup 2019-imut aamma 2020-imut paasissutissat nalunaarsorneqarsimasut tunngavigalugit siumoortumik nalunaarsuineq ingerlatissavaa.

 

Paasissutissani naqinneqareersuni taakkunani eqqunngitsoqarpat imaluunniit paasissutissat amigaateqar­pa­ta siumoortumik nalunaarsuiffik paasissutissanik eqqortunik immersugaq Akileraartarnermut Aqutsiso­qar­fimmut nassiutissavattaaq.

 

2021-imut siumoortumik nammineerlutit nalunaarsuiniaruit allattuiffissatut immersugassamik uani aamma ukunani aal­lersinnaa­vutit:

 

  • Akileraartarnermut Aqutsisoqarfimmut
  • Kommunip allaffianut imaluunniit nunaqarfinni allaffimmut
  • Nittartagaq www.sullissivik.gl

 

Siumoortumik nalunaarsuiffik piaartumik kingusinnerpaamillu 15. november 2020 Akileraartarnermut Aqutsisoqarfimmut nassiunneqassaaq.

 

Inuit 2021-imut siumoortumik nalunaarsuiffimmik tunniussisussat makkuugajupput:

 

  • Aningaasarsiat B-t akileraarutitaqanngitsut sinnerlugit B-nik aningaasarsiaqartut, imaluunniit
  • Ilanngaat aalajangersimasoq sinnerlugu annertussusilinnik ilanngaatigineqarsinnaasunik ilanngaatissaqartut
  • Namminersorlutik inuussutissarsiuteqartut, akileraarutit B-nik naatsorsuiffigineqartussat imaluunniit tunisinermi allagartaliuuneqartussat

 

Aappariinnut katissimasunut malugeqquneqarpoq aappariinnik ataatsimut akileraarusiisarneq ato-runnaarnikuummat. Tamanna isumaqarpoq aappariit katissimasut tamarmik immikkut siumoortumik nalunaarsuiffimmik immersuissammata.

 

2019-imut akileraarutissat sinnerinut akiligassat siumoortumik nalunaarsuinermut ilanngun-neqarneri

 

2019-imut inaarummik naatsorsuut malillugu akileraarutissat sinnerinut akiligassaqaleruit, Akileraartarnermut Aqutsisoqarfiup akiligassatit, tapiliussassaq 6 % ilanngullugu, 18.000 koruunit sinnersimanngippagit, taava akiligassat siumoortumik nalunaarsortinninni ilanngullugit naatsorsuutigiumaarpai.

 

Tamanna isumaqarpoq 2019-imut akileraarutissat sinnerinut akiligassatit (annerpaamik 18.000 ko-ruunit) tunngaviusumik 2021-mut akileraartarnermut ilanngaatissannit ilanngaatigineqarumaartut.

 

 

Akileraarutit sinnerinut akiligassanut tapiliussaq 6 %-iusoq sipaarusukkukku, periarfissaqarputit nammineq kajumissutsinnik kingusinnerpaamik 20. november 2020-mi akiliuteqarnissannut (§5 naapertorlugu akiliuteqarnissannut).

 

Malugiuk akiliineq naammassisimassaaq kingusinnerpaamik ulloq 20. november 2020, uppernarsi-neqarsinnaassallunilu arlaatigut apeqquserneqassagaluarpat.

 

Akiliuteqarneq pissaaq Akileraartarnermut Aqutsisoqarfiup Grønlandsbanken A/S-mi kontoanut:

Reg. nr. 6471 kontonormu 1002608 akiliuteqarnermilu oqaasertaanut uku nalunaarutigineqas-sapput:

-           Illit inuttut normut (Cpr.nr.)

-           Akiliutit ukiumut aningaasarsiorfiusumut tunngasuunersoq: Ass. 2019

-           § 5

 

Assersuutitut imatut immersorneqassaaq: 010101-0101 2019 §5

 

2021-imut skattekortissat december 2020-ip ingerlanerani tigunissaa naatsorsuutigisinnaavat.

 

Eqqortunik tunngaveqarluni siumoortumik nalunaarsuinerup ukiumi aningaasarsiorfiusumi 2021-imi eqqortunik akileraaruteqartinneqarnissat qulakkiisavaa.

 

www.aka.gl -ikkut aamma www.sullissivik.gl –ikkut siumoortumik nalunaarsuineq

 

Siumoortumik nalunaarsuiffimmut allannguutit/paasissutissalluunniit nutaat Akileraartarnermut Aqut-sisoqarfiup nammineq-toortaalluni-aaqqiissutaa www.aka.gl-imiittoq imaluunniit NemID-eqaruit www.sullissivik.gl–imi imminut sullinneq aqqutigalugit nalunaarutigineqarsinnaapput, taamatullu aamma taakku arlaat aqqutigalugit siumoortumik nalunaarsuiffik nassiunneqarsimasoq akuerisinnaal-lugu.

 

www.aka.gl–imiittoq nammineqtoortaalluni-aaqqiineq atorniarukku inuttut normut aammalu nammi-neq-toortaalluni-isissutissaq siumoortumik nalunaarsuiffiup saqqaani allassimasoq atorneqassapput.

 

2021-imut siumoortumik nalunaarsuinermi immersugassamik naqeriikkamik tigusaqarsimanngikkuit, Akileraartarnermut Aqutsisoqarfimmut  saaffiginninnikkut pissarsiarisinnaavat, immersuiffissamilu tassani nammineq-toortaalluni-aaqqiinermi isissutissaq allassimassaaq.

 

Siumoortumik nalunaarsuiffimmik tunniussineq

 

Siumoortumik nalunaarsuiffiit Akileraartarnermut Aqutsisoqarfimmut tunniussinnaavat. Tamanna ima pisinnaavoq:

 

  • Allakkerivikkut nassiussinikkut
  • Faxikkut
  • E-mailikkut (immersugaq atsiugaq qarasaasiatigut assileriarlugu ilanngullugu nassiullugu) uunga: tax@nanoq.gl