Sulisut akissarsiaanniit ilanngaassuutit nalunaarutigineqarneri/akilerneqarnerilu pillugit Sulisitsisunut ilisimatitsissut

Beskåret billede af hovedindgang


Akileraartarnermut Aqutsisoqarfiup akiliisitsiniartarfia 1. oktober 2020 system-imut nutaamut ikaartiterilluni aallartissaaq.

 

Tamanna pissutigalugu piffissap ilaani sulisitsisut sulisut akissarsiaannik  ilanngaassisarneri Akileraartarnermut Aqutsisoqarfiup ingerlasinnaanngikkallassavai. Tamannalu isumaqarpoq, sulisut akissarsiaannik ilanngaassisarnerit sulisitsisut unitsikkallassagaat.

 

Qaammat august 2020 massakkuugallartoq akissarsiat ilanngaatitittarnerinut isu-maqatigiissutillit naggataasumik pissaaq, taakkualu nalunaarutigineqassallutik Sulinal-itoqqamut kingusinnerpaamik 10. september 2020, kingusinnerpaamillu akilerneqassallutik 1. oktober 2020.

 

11. september 2020-imiit Sulinal-itoqqamut akissarsianik ilanngaataasunik nalunaar-sortoqarsinnaajunnaassaaq.

 

Taassumalu kingunerisaanik aamma 1. oktober 2020-ip kingorna akissarsianit ilanngaatinik akiliisoqarsinnaanani. 1. septermber 2020-ip kingorna sulisitsisutut sulisut akissarsiaanit ilanngaassissagaluarussi nammineq isumagisariaqassavarsi sulisu-mut aningaasat utertinnissaat.

 

Kingusinnerusukkut sulisut akissarsiaanniit ilangaatissat nutaat atugassat nassiussorneqarumaarput.

 

Periarfissaq nutaaq akissarsianit ilanngaatinik nalunaarsuiffissaq Sullissivik.gl-ikkut ingerlanneqalissaaq. Siunissamilu sulisitsisutut suliarinnittup ilisarnaataa atorlugu isertoqarsinnaalluni. Taamaattumik pinngaaruteqarpoq, ilissi sulisitsisutut suliarin-nittup ilisarnaatissaanik pissarsiornissaq, Sullissivik-mut isersinnaanissamut piareersimareerniassagassi.

 

Sullissisutut ilisarnaammik ilitsersuut uani aaneqarsinnaavoq:

 

https://www.nets.eu/dk-da/kundeservice/medarbejdersignatur

 

Sullissisutut ilisarnaat uani piniarneqarsinnaavoq:

 

https://www.medarbejdersignatur.dk

 

 

Sulinal-itoqqami akiligassanut ilanngaatitissimanermut takunnisinnaaneq.

 

System-imut nutaamut ikaarsaarnermi suliffeqarfiit Sulinal-itoqqami akiligassanut ilanngaatitissimanermut uppernarsaatinik takunissinnaanerat/anillatitsisinnaanerat aamma allannguuteqassaaq.

 

Periarfissaasoq taanna unissaaq 29. September 2020. Akileraartarnermut Oqartussa-niit allakkatigut ingerlatinneqartassapput.

 

Pifissaq kingusinnerusoq, e-boks-imut atassutinittoqarpat, allakkiat pineqartut mail-ikkut nassiunneqartalerumaarput.