2019-imut nammineerluni nalunaarsuiffik nassiunneqarpoq


Akileraartarnermut Aqutsisoqarfiup 2019-imut nammineerluni nalunaarsuiffik nassiussimalerpaa.

Nammineerluni nalunaarsuiffik marlunnut immikkoortinneqarpoq. S1 akissarsiortut atugassaraat S1U-lu namminersorluni inuussutissarsiutinik ingerlataqartut atugassaralugu, quppernerilli siulliit pingasut oqaasertaat assigiipput.
Pigisanit pissarsiat ilaasa akileraaruserneqartarnerat, aamma KAS-imik taagorneqartoq, pillugu immersugas-saq nammineerluni nalunaarsuiffimmut ilanngullugu nassiunneqarpoq.

Ukiumi aningaasarsiorfiusumi 2019-imi aningaasarsiatit pillugit paasissutissat ilaat nammineerluni nalu-naarsuiffimmi nalunaarsugaapput.

Kisitsisit naqeriikkat tassaapput Akileraartarnermut Aqutsisoqarfiup paasissutissaataasa katinneqarneri. Paasissutissat naqeriikkat eqqortuunerat illit misissugassaraat.

2019-imi aningaasarsiavit akileraaruteqaataasussat aningaasartuutivillu ilanngaatigineqarsinnaasut tamarnik nammineerluni nalunaarsuiffimmi allassimanissaat illit akisussaaffigaat.

Katissimallutik aapparinnut tunngatillugu: Nammineq aningaasarsiat ilanngaatissallu nammineerluni nalu-naarsuiffimmi allattorneqarsimasut eqqortuunissaat aappaariit tamarmik immikkut akisussaaffigaat.

Paasissutissat naqeriikkat eqqortuullutillu tamakkiisuuppata qanoq iliuuseqartariaqanngilatit. Inaarutaasumik naatsorsuut Akileraartarnermut Aqutsisoqarfimmeersoq, qularnanngitsumik illit qarasaatiatigut allagarsisar-finnut, e-boksimik taagorneqartumut augustimi nassiunneqarumaarpoq.

Paasissutissat kukkuneqarpata, paasissutissalluunniit naqeriikkat saniatigut allanik aningaasarsiaqarsimaguit ilanngaatissaqaruilluunniit paasissutissanik Akileraartarnermut Aqutsisoqarfimmut nassiussinissamut pisus-saavutit. 


Pigisanit pissarsiat ilaasa akileraaruserneqartarnerat, KAS, pillugu immikkut

Pigisanit pissarsiat ilaasa akileraaruserneqartarnerat pillugu inatsit Inatsisartut 1. januar 2018-imiit atuutiler-sippaat.

Aaqqissuussinerup ukiumi aningaasarsiorfiusumi (qaammatisiutit malillugit ukiumi) iluanaarutitaanit akileraa-rut 15,3 %-iusoq Nunatta karsianut akilerneqartussaavoq.

Iluanaarut immersugassami, nammineerluni nalunaarsuiffimmut ilanngunneqartumi allanneqassaaq, iluanaa-rummillu akileraarutaagallartoq nammineerluni nalunaarsuiffiup nassiunneqarnera peqatigalugu kingusinner-paamik akilerneqarsinnaavoq.

Pigisanit pissarsiat akileraarutaat annertunerusumik uani paasisaqarfigiuk. 

Nalinginnaasumik

Nammineerluni nalunaarsuiffimmut allannguutit, paasissutissallu nutaat nammineerluni nalunaarsuiffimmut ilanngunneqartussat www.sullissivik.gl-imi Akileraarutikka-mi nalunaarutigineqarsinnaallutillu akuerineqarsin-naapput, soorlu aamma nammineerluni nalunaarsuiffik nassiunneqartoq aka.gl-imi nammineq-toortaalluni-periarfissakkut nalunaarutigineqarsinnaallunilu akuerineqarsinnaasoq. Nammineerluni nalunaarsuiffik aamma Akileraartarnermut Aqutsisoqarfiup innuttaasunik sullissivianut tunniunneqarsinnaavoq allakkatigulluunniit nassiunneqarsinnaalluni.

www.aka.gl-imi nammineq-toortaalluni-periarfissaq atorniarukku inuttut normut aamma nammineq-toortaalluni-isissutissaq, nammineerluni nalunaarsuiffiup saqqaani allaqqasoq atussavatit.

Kisitsisit katinneqarneri ataasiakkaat, soorlu aningaasarsiatit A-t pillugit, sunit pisuuneri sullissivik.gl-imi aamma nammineq-toortaalluni-periarfissami takuneqarsinnaapput.

Namminersorluni inuussutissarsiummik ingerlataqaruit nammineerluni nalunaarsuiffimmik Akileraartarnermut Aqutsisoqarfimmut tamatigut tunniussaqartussaavutit, aamma naatsorsuutit ilanngullugit nassiuttassava-tit/qarasaasiakkut nassiuttassavatit.

Kiisalu naatsorsuutit saniatigut ilanngussassat allat www.sullissivik.gl -imi imaluunniit www.aka.gl-imi nammi-neq-toortaalluni-periarfissat aqqutigalugit qarasaasiakkut nassiussinnaavatit, soorlu nalikilliliinermut im-mersugassaq, erniat, aapparisimasamut qitornanulluunniit akilersuutit il.il. pillugit uppernarsaatit.

Nassiussinissamut piffissarititat

Nammineerluni nalunaarsuiffimmik allannguinissamut aamma/imaluunniit nammineerluni nalunaarsuiffiup akuerinissaanut piffissaliussaavoq ulloq 1. maj 2020.

Namminersorluni inuussutissarsiummik ingerlataqaruit, nammineerlunilu nalunaarsuiffik aamma naatsorsuutit qarasaasiakkut nassiunniarukkit piffissaliussaavoq kingusinnerpaamik 15. maj 2020.

Namminersorluni inuussutissarsiummik ingerlataqaruit, kisiannili ukiumut aningaasarsiorfiusumut 2018-imut tunngatillugu missingersuinikkut angissusiliiffigineqarsimaguit piffissaliussaq tassaavoq kin-gusinnerpaamik 1. maj 2020.


Aningaaserivimmi kontup normua

Akileraarutinut akiliivallaarsimaguit taakku illit aningaaserivimmi kontunnut taamaallaat ikineqarsinnaapput. Taamaammat aningaaserivimmi kontu pillugu paasissutissap allaffissami, nammineerluni nalunaarsuiffiup saqqaaniittumi allannissaata, www.sullissivik.gl-ikkulluunniit nalunaarutiginissaata imaluunniit nammineerluni nalunaarsuiffivit nalunaarutigineranut/akuerineranut atatillugu nalunaarnissaata eqqaamanissaa pingaar-tuuvoq.

Paasissutissat amerlanerusut, ilaatigullu aamma nammineerluni nalunaarsuiffiup immersornissaanut ilit-sersuut, S2-mik S2a-millu taagorneqartoq uani aaneqarsinnaapput www.aka.gl

Nammineerluni nalunaarsuiffiup immersornissaa nalornissutigigukku Akileraartarnermut Aqutsisoqarfiup in-nuttaasunik sullissivia attavigisinnaavat. Innuttaasunik sullissivik pillugu paasissutissat nammineerluni nalu-naarsuiffiup saqqaani takuneqarsinnaapput.