Siumoortumik nalunaarsuinerit iluarsiuk – inuussutissarsiutinik ingerlataqartut pineqarnerullutik

Beskåret billede af hovedindgang

Siumoortumik nalunaarsuinerit iluarsiuk – inuussutissarsiutinik ingerlataqartut pineqarnerullutik

Inuussutissarsiutinik ingerlataqartut amerlasuut, pingaartumillu Nuummiittut, Covid19-imik ajornartorsiornermit eqqugaanerat Akileraartarnermut Aqutsisoqarfiup arajutsisimanngilaa.

Aningaasarsiornerit annertuumik allannguuteqarsimappat ukiumut aningaasarsiorfiusumut 2020-mut siumoortumik nalunaarsuininnik allanngortitsisinnaavutit.


Ukiumut aningaasarsiorfiusumut 2020-mut siumoortumik nalunaarsuineq nutaaq
Inuussutissarsiummik ingerlataqartutut ukiumut aningaasarsiassattut akileraaruteqaataasussatut naatsorsuutigisatit aningaasartuutinik il.il. ilanngaatigineqarsinnaasunik naatsorsuutigisannik ilanngakkat akileraarutinik B-nik akiliinissannut aalajangiisuupput.

Aningaasarsiassattut naatsorsuutigisatit akileraarusiinermi siumoortumilluunniit nalunaarsuinermi kingullermi tunngavigineqartunit annertuumik allannguuteqarnissaat ilimagigukku siumoortumik nalunaarsuinerpit allanngortinneqarnissaa, akileraaruserinermik ingerlatsineq pillugu Inatsisartut inatsisaanni § 14 naapertorlugu qinnutigisinnaavat.

Inuussutissarsiummik ingerlataqartutut tassaavutit suliffeqarfiutivit, assersuutigalugu COVID-19-ip ukiumi aningaasarsiorfiusumi 2020-mi tunillaassuunneranit qanoq sunnigaatiginissaanik naliliilluarsinnaanerpaaq.

Siumoortumik nalunaarsuiffimmik immersueriarlutit, taannalu suliffeqarfiup ukioq aningaasarsiorfiusoq 2020 tamakkerlugu isertitassaasut aningaasartuutissaasullu naatsorsuutigineqartut pillugit paasissutissanik ilallugu Akileraartarnermut Aqutsisoqarfimmut nassiunneratigut siumoortumik nalunaarsorneqarnerit allanngorteqqusinnaavat, taamaalillutillu ukiup sinnerani akileraarutinik B-nik akiligassatit allanngortissinnaallugit.

Siumoortumik nalunaarsuut nutaaq ukiup sinnerani akileraarutinik B-nik akiligassanut atuutissaaq. Qinnuiginninnerit qaammatip ulluisa kingusinnerpaamik 10-anni nassiukkukku, allannguineq amerlanertigut qaammat tulliuttoq aallarnerfigalugu atuutilersinnaassaaq.

Immersugassaq PDF-iusoq uani aaneqarsinnaavoq:
https://aka.gl/kl-GL/Borger/BLANKETTER/F1-Forskudsregistrering-2020



Akileraarutit sippuutaannik siusinaartumik tunniussineq

Inuussutissarsiummik ingerlataqartutut periarfissaqarputit akileraarutaagallartutut akilerneqarsimasut utertinneqarnissaannik qinnuteqarnissamut, tak. § 15, tassa akileraarutaagallartutut akilerneqarsimasut akileraarutissavinnit 5.000 kr.-inik amerlanerusunilluunniit amerlanerusimanissaat ilimagineqarpat. Akileraartarnermut Aqutsisoqarfiup qinnuteqaat ataatsimut naliliinermigut, matumani aamma utertinneqarsinnaajunnartut amerlassusissaannik missingersuinermigut suliarissavaa.

Immersugassaq PDF-iusoq uani aaneqarsinnaavoq:

https://aka.gl/kl-GL/Borger/BLANKETTER/Udbetaling-af-overskydende-skat

Uunga nassiussisoqassaaq tax@nanoq.gl