2020-mi akileraarutinut A-nut (ASKATOPKRÆV) aamma AMA (SA) pillugu akiliuteqarnissamut piffissaliussap sivitsorneqarnera

Beskåret billede af hovedindgang


Suliffeqarfiit / suliffeqarfiit allat pineqartut


Akiliuteqarnissamut piffissaliussap sivitsuiffiginerani suliffeqarfinnut taamaallaat atuusinnaavoq, suliffeqarfiup minnerpaamik kaaviiaartitaasa 40 pct.-ii ukununnga attuumassuteqarpata:

• Akunnittarfiit unnuisarfiillu

• Imerniartarfiit, neriniartarfiit aningaasanoortarfiit

• Nioqqutissanik amerlasuukkaartunik tuniniaaffiit, niuertarfiit nerisassanillu nioqquteqarfiit

• Takornariartitsisut angalanissanillu aaqqissuisartut

• Attartorneqarlutik angallassisartut takornarianillu angallassinerit

• Silaannakkut angallanneq

Akileraarutinut A-nut aamma AMA-mut akiliuteqarnissamut piffissaliussanut nutaanut tunngatillugu Akileraartarnermut Aqutsisoqarfiup nalunaarutaani nr. 128-mi immikkoortunut pingaarnernut eqimattakkaanullu paasissutissat erseqqinnerusut takuneqarsinnaapput.


Suliffeqarfiit sulianik tamakkuninnga CVR-imi nalunaarsuisimasut aallaaviatigut taamatut akiliuteqarnissamut kinguartitsinissamut ilaasutut isigineqassapput.

Akiliuteqarnissamut piffissaliussat suliffeqarfinnut allanut allanngortinneqanngillat.

Piffissaliussanut nutaanut piumasaqaatinullu tunngatillugu immersuiffissanut paasissutissat uani takukkit: https://aka.gl/da/Nyheder/2020/03/Frister

Suliffeqarfiutiga ilanngunneqarsimanersoq sumi takusinnaavara?

Nittartakkamut https://sulinal.nanoq.gl-imut isernikkut suliffeqarfiit ataasiakkaat kontunut paasissutissanik aallernermikkut akiliuteqarnissamut piffissaliussat sivitsuiffigineqarnernut ilanngunneqarsimanerlutik paasisaqarfigisinnaavaat.

Akiliuteqarnissamut piffissaliussap (Bet. frist) sivisussusaanut kontumut takussutissat ilinnut tunngasut aqqutigalugit tamanna takuneqarsinnaassaaq Suliffeqarfiutit ilanngunneqarsimappat akiliuteqarnissamut piffissaliussaq iluarsineqarsimassaaq.

Kontunut takussutissat ilinnut tunngasut https://sulinal.nanoq.gl-imi Udtræk aqqutigalugu aasinnaavatit, una tuussavat: "Kontoudtog". Nittartagaq https://sulinalitoqaq.nanoq.gl ammassaaq, tassanilu isissutissaq toortaqqissavat, kingornagullu "Kontoudtog" tuussavat ulluliassallu nikingassutaat allariarlugu Søg tuussavat. Utaqqilaassaatit, nutaamik allamik saqqummertoqassaaq, tassanilu "Hent fil" tuussavat, kinguninngualu kontumut paasissutissat ilinnut tunngasut saqqummissapput.

Suliffeqarfiup https://sulinal.nanoq.gl-imit atuisutut ilanngunneqarsimannginnini pissutigalugu kontunut takussutissanik aallersinnaanngippat suliffeqarfik Sulinal@nanoq.gl-imut mailimik nassitsissaaq qarasaasiakkut quppernermut tassunga isisissutissamik aallerluni.

Kikkut qinnuteqarsinnaappat?

Suliffeqarfilli sammisani taaneqartuni nalunaarsorsimanngitsoq akiliuteqarnissamut piffissaliussanik sivitsuinermut ilanngunneqarsinnaassaaq, matumani suliffeqarfik taaneqartut iluanni malunnaatilimmik allanik sammisaqarsimappat.

Malunnaatilimmik allanik sammisaqarnermi sammisat suliffeqarfiup 2020-mi kaaviiaartitassatut missingersuutaanik minnerpaamik 40 pct.-iusut isiginiarneqarput.

Qanoq qinnuteqartoqarsinnaava?

2020-mi kaaviiaartitassatut missingersuutaasut minnerpaamik 40 pct.-iunissaannut piumasarineqartut naammassisimagukkit, suliffeqarfiutillu akiliuteqarnissamut piffissaliussap sivitsorneranut ilanngunneqarsimanngippat Akileraartarnermut Aqutsisoqarfik saaffigineqassaaq.

Qinnuteqaat tax@nanoq.gl-imut nassiunneqassaaq aamma minnerpaamik 40 pct.-imut piumasaqarnerup naammassisimanissaanut uppernarsaatissanik imaqassalluni.

Pissutsit allat

Suliffeqarfiit piffissaliussat atuuttut malillugit aningaasat uninngatitat pillugit nalunaaruteqartarnertik ingerlatiinnassavaat.

Akiliuteqarnissamut piffissaliussanik sivitsuinerit Akileraartarnermut Aqutsisoqarfiup sivikinnerusumik akiliuteqarnissamut piffissaliussanik aalajangersaanissaanut killiliinngillat, matumani akileraartussaatitaasoq akileraartussaanermut saneqqutsisimappat sumiginnaasimappalluunniit.

Apeqqutissaqaruit imaluunniit paasissutissanik allanik pisariaqartitsiguit Akileraartarnermut Aqutsisoqarfik tax@nanoq.gl aqqutigalugu saaffigineqarsinnaavoq.