Soraarnerussutisiaqalernissamut aaqqissuussinermut peqataasussaatitaaneq pillugu ukiumoortumik naatsorsuut 2018

Pension_3



Siusinnerusukkut nalunaarutigineqarpoq naatsorsuut qulaani taaneqartoq innuttaasut ilaannut tunngasoq kukkuneqartoq.

Ukiumoortumik naatsorsuut nutaaq, siusinnerusukkut nassiunneqartumut taartaasoq innuttaasut ilaannut taakkununnga maanna nassiunneqarsimalerpoq, taannalu aamma uani atuarneqarsinnaalereerlunilu aaneqarsinaalereerpoq www.sullissivik.gl, Akileraarutikka.

Ukiumoortumik naatsorsuummi allassimavoq, aningaasat ukiumoortumik naatsorsuummi taaneqartut nammineq soraarnerussutisiaqalernissamut aaqqissuussinermut akilernissaannut, taamaalioreernermilu tassunga uppernarsaatip Akileraartarnermut Aqutsisoqarfimmut nassiunnissaanut sap.ak. 4-t piffissaritinneqartut. Tamanna aamma atuuppoq 2018-imi akiliuteqarsimagaanni, akiliuteqarsimanerli ukiumoortumik naatsorsuummi allassimanngippat.

Uppernarsaatitut kissaatigineqarpoq Nunatsinni aningaaseriviit arlaannut, soraarnerussutisiaqalernissamut aningaasaateqarfimmut SISA-mut imaluunniit soraarnerussutisiaqalernissamut aaqqissuussivigisamut Danmarkimiittumut akiliuteqarsimanermut uppernarsaat. Tassani soraarnerussutisiaqalernissamut aaqqissuussinerup suunera allassimassaaq. Taassuma saniatigut allassimassapputtaaq inuup normua, kontomik piginnittup/sillimmasertittup aqqa aningaasallu amerlassusii.

Ukiumoortumik naatsorsuut siullertut nassiunneqartoq tigoreerlugu uppernarsaammik nassiussaqarsimaguit qanoq iliuuseqartariaqanngilatit.

Akileraartarnermut Aqutsisoqarfik Nempost aqqutigalugu pilertortumik isumannaatsumillu attavi-gineqarsinnaavoq, takuuk uani.