Qamutit motoorillit akitsuutaanik akileeqqusissummut naqqiissut

Beskåret billede af hovedindgang Akileraartarnermut Aqutsisoqarfimmit ulloq 13. november 2018 qamutit motoorillit akitsuutaanik akilerneqanngitsunik akileeqqussummik nassiussisoqarpoq. Kukkussuteqarnikkut akileeqqusissut alla nassiunneqarsimavoq. Akileeqqusissut eqqortoq imaassaaq:

Paasivarput qulaani pineqartumut, qamutit motorillit akileraarutaannut piffissaq eqqorlugu akiliisimanngitsutit. Akiitsoq, tassa qamutit motorillit akileraarutaat aammalu akiliisimannginnermut ilassut akileqquneqarput allakkap ullulerneqarneraniit ullut 8-sut qaangiutsinnagit ataani FI-mi akiliiffissatut nalunaarsorsimasoq atorlugu.

Piffissaq eqqorlugu akilisoqarsimanngippat suliaq siumut kalerriutigeqqeqqaarnagu politiinut ingerlatinneqassaaq, tamatumuuna qamutit motorillit normuat peerneqassalluni.

Ilassut kr. 500,00 akilerneqassaaq qamutit motorillit akileraarutaannik nukingisaarutip uuma tigunera sioqqullugu akiliineq pisimassagaluarpalluunniit. Taamatut pisoqarsimappat tapiliussaq kisimi akilerneqassaaq. Qamutit motorillit akileraarutaat akilerneqarsimanngippat, akileraarutip akilernerani ilassut ilanngullugu akilerneqassaaq.