SKAT Danmarkimiit nalunaarut

Billede til nyhed Akileraartarnermut Aqutsisoqarfik ullut kingullit inunnik arlalipparsuarnit saaffigineqartarpoq, SKAT Danmarkimiit akileeqqusissutinik tigusaqartarsimanertik pissutigalugu. Tamanna pillugu SKAT Danmark attavigisimavarput imalu ilisimatitsipput:

SKAT Danmark, suliffeqarfinnut Kalaallit Nunaanni angerlarsimaffeqartunut 2014-imut nammineerluni nalunaarsuinermut eqqaasitsissutinik akileeqqusissutinillu 2015-imullu tunniussinissamut piffissaliussamut eqqaasitsissutinik kukkusumik nassiussuisimavoq.

Allakkat pineqartut danske Tastselv Selskabskat-imi nammineerluni naqiterisartumi naqinneqarsimapput. Tassunga pissutaavoq suliffeqarfiit Kalaallit Nunaanni angerlarsimaffeqartut danske CVR-registerimi nalunaarsugaammata kalaallillu suliffeqarfiutaat tamarmik danmarkimi akileraartussaatitaannginnerat programmimut aqutsisumut immiunneqanngitsoorsimapput.

SKAT Danmarkip kukkuneq iluarsiniarlugu suliaq aallartereerpaa taamaattorli nammineerluni nalunaarsuinermut piffissaliussaq nallertinnagu naammassineqarsinnaassanersoq suli ilisimaneqanngilaq. Taamaattumik suliffeqarfiit piffissaliussap 1. september 2016-ip kingorna akileeqqusissutinik imaassinnaavoq nassinneqartut. Taamaattoqassappallu akileeqqusissutit taakku malinneqassanngillat.

Septemberip ingerlanerani SKAT Danmark suliffeqarfinnut pineqartunut allakkanik iluarsiissutinik nassiussuiumaarpoq.