Isumaqatigiissutit


Marloriaammik akileraarnissaq pinngitsoorniarlugu isumaqatigiissutit
Marloriaammik akileraarnissaq pinngitsoorniarlugu isumaqatigiissutit (MAI) isertitat pigisallu nalillit nunat tamalaat akornanni Marloriaammik akileraarnissaq pinngitsoorniarlugu nunat marluk amerlanerilluunniit akornanni isumaqatigiissutaavoq. Marloriaammik akileraarnissaq pinngitsoorniarlugu isumaqatigiissutip siunertaasa pingaarnersaaraat akileraarutaasartut avinneqartarnissaat aammalu nunamut sorlermut akileraartarnissat nunat isumaqatigiissummi ilaasut akornanni aalajangersaaffigineqartarnissaat kiisalu naapertuutinngitsunik pisoqartarnerisa pinaveersaarneqartarnissaat, akileraartartut piginnaatitaaffiisa qulakkiikkamik malinneqartarnissaat kiisalu akileraanngitsoortarnerit pinngitsoortinnissaat.

Kalaallit Nunaat arlalinnik isumaqatigiissuteqarpoq, taakkunannga affaasa missaat siammasissumik atorneqarsinnaallutik affaasalu missaat killilimmik atorneqarsinnaallutik soorlu umiarsuarnut, timmisartunut aatsitassarsiornernullu tunngassuteqartut.

Akileraartarnermi paasissutissanik paarlaasseqatigiittarnissamik isumaqatigiissut
Kalaallit Nunaat paasissutissanik inatsisitigut pisussaaffinnut piginnaatitaaffinnullu tunngasunik nassitsisarlunilu tigusaqartarpoq, tamakkulu pillugit akileraartarnermi paasissutissanik paarlaasseqatigiittarnissamik isumaqatigiissuteqarluni. Inuit ataasiakkaat suliffeqarfiilluunniit nunani assigiinngitsuni attuumassuteqarlutillu suliaqartut pillugit akileraartarnikkut paasissutissanik nunat akunnerminni paarlaasseqatigiittarsinnaanissat isumaqatigiissuteqarnikkut qulakkeerneqartarpoq.

Nunat arlallit akornanni isumaqatigiissutit

Nunat arlallit akornanni isumaqatigiissutini suliassaqarfiit assigiinngitsut pineqarput, ataatsimoorutaalli tassaalluni inatsisitigut pisussaaffinnut piginnaatitaaffinnullu imalluunniit nunat eqqarsaatigalugit assigiinngisitaartunik isumaqatigiissuteqartoqarsinnaanera. Kalaallit Nunaat nunat arlallit akornanni isumaqatigiissuteqarpoq ilaatigut nunani avannarlerni nunat arlallit isumaqatigiissuuteqarfigineqarsimallutik tamatumalu saniatigut inatsisitigut pisussaaffinnut piginnaatitaaffinnullu imalluunniit nunat eqqarsaatigalugit 100-init amerlanerusunik isumaqatigiissuteqarsimalluni.


Isumaqatigiissutit: 

- Isumaqatigiissut nunat avannarliit akornanni, akileraarutitigut suliassani ikioqatigiittarnissaq pillugu
- Akileraarutitigut suliassani ikioqatigiittarnissaq pillugu nunat avannarliit isu­maqatigiissutaanni 7. december 1989-imeersumi allaaserisaq 20 naapertorlugu isumaqatigiissut
OECD og europarådets konvention om administrativ bistand i skattesager

- Administrativ aftale mellem de kompetente myndighed i Danmark, Færøerne og Grønland om automatisk udveksling af oplysninger om finansielle konti (danskisuinnaq pigineqarpoq)