Nunat tamalaat akornanni suleqatigiinneq

Kalaallit Nunaat akileraarutinik akiliinngitsoorniartarnerit aammalu akileraarutikinnerusunut nuuttarnerit pitsaaliornissaannik nunat tamalaat akornanni suleqatigiinnermut ilaavoq. Nunani tamalaani malittarisassanik suliassanik suliarinnittarneq aammalu nuna tamakkerlugu eqqortumik atulersitsisarnermik nakkutilliisarneq annertunertigut Aningaasaqarnikkut Suleqatigiinnermi Ineriartortitsinermilu Suleqatigiiffimmit ingerlanneqartarpoq (OECD). Kalaallit Nunaat nunani tamalaani malittarisassanik naammassinninnissamut pisussaaffeqarpoq tassungalu atatillugu OECD-iip ataani suleqatigiinnermut aaqqissuussaaffinnut marluusunut ilaasortanngorsimalluni, ukunani Global Forum on Transparency and Exchange of Information og Inclusive Framework on Base Erosion and Profit Shifting (BEPS).

Aammattaaq Kalaallit Nunaata nunani avannarlerni suleqatini qanimut suleqatigalugit akileraartarneq pillugu paasissutissanik paarlaasseqatigiittarnermut, nunat tamalaat akileraanngitsoortarnerannik akiuunniarnermut suleqatiginnippoq. Suleqatigiinneq illugiilluni nunat marluk nunallu arlallit akornanni isumaqatigiissutit naapertorlugit pisarpoq. Ataatsimoorussamik nunat avannarliit suleqatigiinnerannut killigeqqusat pingaartumik Nunani Avannarlerni Ministerit Siunnersuisoqatigiivini aammalu Nunat Avannarliit Siunniussaanni atulersinneqartarput. 


Nunat tamalaat akornanni suleqatigiinnermut paasissutissat tuluttut uani atuarneqarsinnaapput.