Bitcoinip & Bitclub networkillu akileraarusersornissaannut ilitsersuut

Ilitsersuutip siunertaa tassaavoq Bitcoin akileraartarnikkut qanoq pineqassanersoq.

Bitcoin sunaana

Bitcoin assingusullu aningaasat (valuta) tassaapput qarasaasiatigut aningaasat (virtuel valuta) imaluunnit aningaasat paasiuminaallisakkat (kryptovaluta). Aningaasat taamatut ittut assigiissutaat tassaavoq naala-gaaffiup aningaaserivianut arlaannaannulluunniit attuumassuteqannginnerat, taamaattumillu aningaasat pillugit politikkit nalikilliartortoqassagaluarpat ikiorsiisinnaanatik. Bitcoin qarasaasiatigut toqqorsivinni siammartikkani toqqortaatigineqartarput, taamatullu toqqorterineq blockchain-imik taaguuteqarpoq. Bitcoin aningaasaliissutitut akiliissutitulluuniit pisiarineqarsinnaavoq aamma qarasaasiakkut aamma qarasaa-siakkuunngitsumik nioqqutinik sullissinernillu atorneqarsinnaavoq.

Blockchainip nuussinerit tamaasa nalunaarsortarpai, nuussinerillu nuussinermut siullerpaamut kingumut tamaasa takuneqarsinnaapput. Nuussinerit tamarmik aningaasivinnut qarasaasianukartinneqartarput tas-sanngattaaq nuunneqartarlutik, taakkulu aningaasiviit nalinginnaasumik suussusersineqarsinnaasaratik. 2017-imi USA-mi Bitcoininik pilersuisut sullissaasa toqqorsivianit paasissutissat pillugit akileraartarnermut oqartussanut tunniussissussaatitaakkallarnissaannut eqqartuussivimmi aalajangerneqarpoq. Taamaaliornikkut akileraartarnermut oqartussat nuussinerit pillugit tamakkiisumik takunnissinnaalerput, taamaalillutillu akileraartitsinikkut eqqortumik ingerlatsisinnaanngorlutik.

Bitcoinip akileraarusersornera
Valuta ataatsimut nalinginnaasumut taarsiullugit Bitcoinit atorlugit aningaasat nalinginik iliuuseqarnerit naalagaaffiup aningaaseriviani valutatut isigineqarput naatsorsorneqartarlutillu. Assersuutigalugu bitcoininik akissarsititsisoqarpat taakku akileraarutigineqartussaapput. Taamaammat sulisitsisoq tunngaviatigut Danske kronit atorlugit nalunaaruteqartassaaq, taamatuttaaq innuttaasup nammineerluni nalunaarsugassaani tamanna atuuppoq.

Inuussutissarsiummik ingerlataqarneq imaluunniit iluanaarniapilunneq

Aningaasalerineq tunngavigalugu valutat piviusuusaartitat amerlanerpaat, taakkununngaani Bitcoin ilann-gullugualluni, iluanaarniapiluutitut isigineqarput. Bitcoin allallu niuerutiginerat atorneralluunniit iluanaar-niapilunnertut imaluunniit inuussutissarsiummik ingerlataqarnertut isigineqassanersut akileraartarnikkutermut atatillugu nalilersuinernut atatillugu Akileraartarnermut Aqutsisoqarfiupk suliat tamaasa aalajangersimasumik ataasiakkaarlugillu sulliarisassasissavai.

Akileraartarnermut atatillugu inuussutissarsiummik ingerlataqarneq
"Inuussutissarsiummik ingerlataqarneq" ima paasineqassaaq, akileraartussaatitaasoq Bitcoininik allanillu assingusunik niueruteqarnikkut inuussutissarsiutigalugu Bitcoininik tuniniaanikkut iluanaaruteqarneq.

Iluanaarniapilunneq
”Iluanaarniapilunneq” ima paasineqassaaq, Bitcoinip allatulluunniit aaqqissuussaqarnikkutanerata ilagisaanik niuernernani ataasiakkaanilli iliuuseqarluni iluanaarniarluni taassuma ilaattulluunniit siunertaqarneq. Taamatut iliuuseqarnerit pineqartup inuussutissarsiornerata ilaginngilaa.

Bitclub Network
Bitclub Network Kalaallit Nunaanni siammarsimanera Akileraartarnermut Aqutsisoqarfiup ilisimavaa. Tassunga atatillugu Akileraartarnermut Aqutsisoqarfik aningaasanoorutinut oqartussanut paasiniaavoq Bitclub Network aningaasanoorutit aalajangersimasut pillugit Kalaallit Nunaannut inatsimmi § 11 naapertorlugu pyramidespilliunersoq, tassa aalajangersimasumik tuniniaanissamut aaqqissuussaanersoq. Taamaammat tamanna pillugu allanik apeqqutit aningaasanoorutinut oqartussanut nassiuteqquneqarput.

Ersarissaaneq siunissarlu
Bitcoin allallu aningaasat paasiuminaallisakkat suli nutaajupput sulilu ineriartorlutik. Akileraartarnermut Aqutsisoqarfik ineriartornermut malinnaaqqissaassaaq pisariaqartitsinerlu naapertorlugu ilitsersuusiussalluni.