IIN pillugu

Inuussutissarsiummik Ingerlataqartunik Nalunaarsuiffik IIN tassaavoq Kalaallit Nunaanni suliffeqarfiit inuussutissarsiorlutillu namminersortut tamaasa pillugit paasissutissanik tunngaviusunik qitiusumik nalunaarsuiffik.

Nalunaarsuiffimmi siunertaq tassaavoq:

- Kalaallit Nunaanni suliffeqarfiit pillugit paasissutissanik tunngaviusunik katersineq
- Suliffeqarfiit ingerlatsiviillu erseqqissumik normulersorneqarnissaat
- Paasissutissat tunngaviusut pisortanut inuinnarnullu atugassanngortillugit.


IIN Akileraartarnermut Aqutsisoqarfimmi inissisimavoq. Tassani suliassat makku isumagineqarput:

- Paasissutissanik nalunaarsuineq
- Nalunaarsuiffimmik aqutsineq
- Paasissutissanik aserfallatsaaliuineq
- IIN-normunik aamma D-normunik tunniussisarneq
- Suliaqarfiit pillugit ilisarnaatinik tunniussisarneq. 

Nalunaarsuiffimmi suliffeqarfiit tamarmik (ingerlatsiviit inatsisitigut pisinnaatitaasut) erseqqissumik IIN-normumik tunineqartarput. Peqatigisaanik ingerlatsiviit atassuteqartut erseqqissumik D-normumik tunineqartarput. Taamaalilluni Inuussutissarsiummik Ingerlataqartunik Nalunaarsuiffimmi sammiviit marluupput, ingerlatsiviit inatsisitigut pisinnaatitaasut (suliffeqarfiit) aamma ingerlatsiviit (suliffiit).

Sammiviit taakku marluk pillugit uani atuagaqarit (pdf).

Inuussutissarsiummik Ingerlataqartunik Nalunaarsuiffimmi paasissutissat tamarmik tunngaviatigut tamanit pissarsiarineqarsinnaapput. Paasissutissalli arlallit inuinnarnut ingerlateqqinneqaqqusaanngitsut ilanngunneqanngillat. Paasissutissat suut Akilereertarnermut Aqutsisoqarfiup inuinnarnut aamma pisortani oqartussanut kiisalu suut piumasaqaatit tunngavigalugit ingerlateqqinneqarsinnaanersut IIN pillugu inatsimmi tunngavigineqartumi malittarisassiuunneqarput. Inatsit aamma nalunaarut uani annertunerusumik atuarsinnaavat.