Biilit innaallagissamik brintimik aamma innaallagiaq orsussarlu ataqatigiissillugit ingerlatillit (plug-in-hybridbil) akitsuuteqannginnerisa 1. januaari 2019-imut sivitsorneqarnerat

2018-mut aningaasanut inatsimmut nassuiaatini konto pingaarneq 24.11.10 (nioqqutissanik eqqussuinermi akitsuutit) aamma 24.11.11 (qamutinut motoorilinnut akitsuutit), qamutinut motoorilinnut innaallagissamik brintimilluunniit ingerlatilinnut, kiisalu innaallagiaq orsussarlu ataqatigiissillugit ingerlatillit (plug-in-hybridbil), batteriinik innaallagissamik immeqqinneqarsinnaasunik ingerlatilinnut akitsuusiinnginnissap sivitsorneqarnissaa akuersissutigineqarpoq.

Taamaattumik qamutit motoorillit innaallagissamik brintimilluunniit ingerlatillit, kiisalu innaallagiaq orsussarlu ataqatigiissillugit ingerlatillit (plug-in-hybridbil), batteriinik innaallagissamik immeqqinneqarsinnaasunik ingerlatillit 1. januaari 2019 tungaanut akitsuuteqanngillat.

Qamutinut qulaani taaneqartunut eqqussuinermi akitsuusiinnginnissaq inatsisartut inatsisaat nr. 19, 30. oktobari 1992-imeersumi § 1, imm. 1, nr. 21-imi, kingusinnerpaamik inatsisartut inatsisaat nr. 2, 25. maaji 2016-imi allanngortinneqartumik, kiisalu qamutinut motoorilinnut akitsuut takuuk inatsisartut inatsisaat nr. 16, juuni 1987-imeersumi § 2, imm. 1, kingusinnerpaamik Inatsisartut inatsisaat nr. 8, 29. novembari 2013-imi allanngortinneqartumik tunngavissaqarpoq.

Pilersaarutigineqarpoq 2018-imi Upernaakkut ataatsimiinnermi siunnersuummik saqqummiussinissaq, tassani biilit taakku siunissami qanoq akitsuusersorneqassanersut isummerfigineqassalluni. Inatsisissatut siunnersuutit 2. februaari 2018-mut tusarniaassutigineqarnikuupput.

Amerlanerusunik apeqqutissaqartoqarpat Akileraartarnermut Aqutsisoqarfik attavigineqarsinnaavoq oqarasuaat +299 345000 imaluunniit tax@nanoq.gl. –imut maili nassiullugu.