Islandimi ilanngaaserisutut oqartussat Kalaallit Nunaanniissimapput

Topbillede

Ukiumi matumani siusinnerusukkut siunnerfigisamik nalunaarut naapertorlugu Island-imi ilanngaaserisutut oqartussat Akileraartarnermut Aqutsisoqarfiup ilanngaaserilluni suliaqarnera sapaatip akunnerani malinnaaffigivaat.

Siunnerfigisamik nalunaarut islandimi, savalimmiuni nunatsinnilu ilanngaaserisutut oqartussat ukioq manna aggustusimi atsiugaat tunngavigalugu nunatsinniipput.

Sapaatip akunnera aallarnerlugu nunatsinni inatsisitigut tunngavigineqartut erseqqissu-mik saqqummiunneqarput kiisalu suleqatigisartakkat misissuiffigisartakkallu ilisaritin-neqarlutik. Tamatuma kingorna islandimi ilanngaaserisut inuit tikittut misissuiffigine-qarnerinut, allakkat, poortukkat containerillu misissorneqarnerinut kiisalu umiarsuit avalattussat misissuiffigineqarnerinut peqataasimapputl.

Tikeraarnermi siunertarineqarpoq islandimiut kalaallillu ilanngaaserisuisa akornanni suleqatigiinnerusoqalernissaa kiisalu paasissutissanik ilisimasanillu avitseqatigiittoqar-tarnissaa.

Aqutsisoqarfimmi pisortaq Kim Neumann Nielsen oqarpoq ”Nuannaarutigaara nunatta killeqarfiit akimorlugit suleqatigiissinnaanerat. Ilanngaaserisutut suliaqarnermi suleqati-giittarneq ilisimasanillu avitseqatigiittarneq pingaaruteqarput.”

Kalaallit Nunaannit nunarsuup sinneranut Island pingaarutilittut attaveqaataavoq. Nunat taakku akornanni ulluinnarni inunnik angallassisarneq usinillu assartuisarneq ukiuni kingullerni annertuseriangaatsiarsimavoq.

Akileraartarnermut Aqutsisoqarfimmit naatsorsuutigineqarpoq ilanngaaserisunik 2018-imi upernaakkut Islandiliartitsinissaq.

Sukumiinerusumik paasisaqarusuttut attavigisinnavaat Akileraartarnermut Aqutsioqarfimmi inatsisileritooq Simon Mogensen, oqarasuaat: +299 346516, e-mail: simo@nanoq.gl

Billede