SULISITSISUNUT TAMANUT NALUNAARUT

Grl

 

SULISITSISUNUT TAMANUT NALUNAARUT

Akileraartarnermut Aqutsisoqarfiup matumuuna nalunaarutigissavaa, nittartagaq Sulinal nutarterneqalermat ulloq 15. Septembari 2017 aallarnerfigalugu.

Nutarterinermut atatillugu nittartakkap iluaniittut nalunaarsuiffiit Akileraarutit A-t aammalu Ukiumut akissarsianik nalunaaruteqarneq matuneqassammata ulloq 15. Septembari 2017, tassa immaappoq ulluni 18.09.2017-miit 28.09.2017 ilanngullugu Akileraarutit A-t aammalu Ukiumut akissarsianik nalunaaruteqarneq nalunaarsor-neqarsinnaangillat.

Sulinal nutaangitsoq nittartakkakkut iserfigineqarsinnaaleqissaaq ulloq 16. Septembari 2017 ugguuna https://Sulinalitoqaq.nanoq.gl.

Sulinal nutaaq nittartakkakkut nalunaarsuiffiusinnaasoq ukunannga Akileraarutit A-t aammalu Ukiumut akissarsianik nalunaaruteqarneq ammarneqassaaq ulloq 29. Septembari 2017 ugguuna https://sulinal.nanoq.gl

Sulisitsisup sulinal-imut isertaataa Atuisoq aammalu Isissutissaq paasiuminaallisagaq allanguuteqassangillat, atuisutut ukununnga https://Sulinalitoqaq.nanoq.gl aamma https://sulinal.nanoq.gl isertaataa Atuisoq aammalu Isissutissaq paasiuminaallisagaq pioreersut atorlugit iserfigisinnaavatit.

Sulisitsisunut nittartagaq sulinal-imik atuisuungitsunut neqeroorut

Namminersorlutik Oqartussat nalunaarutaat nr. 8, 18. juni 2010-meersoq aningaa-sarsiat akileraarutit pillugit paasissutissanik nalunaaruteqartarneq tunngavigalugu nittartakkamut sulinal-imut atuisutut neqeroorut.

Neqeroorutigivarput sulisitsisunut tamanut fax-ikkut imaluunniit mail-ikkut A1 (nassuiaat sukumiisumik) aammalu A10/A11-nik (ukiumut akissarsiat allagartaanik) nalunaarsuisartunut nittartagaq sulinal aqqutigalugu nalunaarusiortalernissaq kajumis-saarutigalugu iluaqutissartaqarmat sulisitsisunut namminermut, taannalu ugguuna sulinal.nanoq.gl pisarpoq.

Nittartagaq sulinal-imut nalunaarusiornissamut isissutissamik Akileraartarnermut Aqutsisoqarfiup sulisitsisut Nalunaarsuiffianut saaffiginninnikkut pineqassaaq mail: sulinal@nanoq.gl Sulisitsisunut allattorsimaffimmi normut ilanngullugu nalunaaru-tigissagakku.

Nittartagaq sulinal-imut isertaat atorlugu isernermi takuneqartarsinnaammata siusin-nerusukkut nalunaarutigeriikkat aammalu taassuma saniatigut ataani allassimasunut malinnaasinnaanissaq periarfissaalissammat Akileraartarnermut Aqutsisoqarfimmut saaffiginneqqaanngikkaluarluni.

Aamma takuneqarsinnaapput anillatsinneqarsinnaallutillu, naqitat suunerisa ersersin-neri, akiligassiissutit Akileraarutit A-t aammalu AMA, ernialiussinerit aammalu akiliisitsi-niartarfimmiit allakkiat unerartitsinerillu.

Ilisimatitsissutigissavarput ulloq una 29. septembari 2017 aallarnerfigalugu nalunaar-suiffik nutaaq atuutilissammat https://sulinal.nanoq.gl ukununnga tunngasut:

-          Akileraarutit A-t

-          Ukiumut akissarsianik nalunaaruteqarneq

MALUGIUK, nittartakkami nutartikkami taamaallaat nalunaarsuinermut atuutilertus-saammat.

Ataani taaneqartunut takusaqarniaraanni aallersinnaanerit, nittartakkami nutaami periarfissaqassaaq iserasuartaammik (allamut innersuussut toortagaq) pisoqqamut ingerlaqqiffissamut https://Sulinalitoqaq.nanoq.gl.:

-          Akissarsianut ilangaassuinermi nalunaarsuiffik

-          Uninngasuutinik allattorsimaffik (kontoudtog)

-          Nets-ikkut akiligassiissut

-          Ernialersuinermut uppernarsaat

-          Unerartitsineq

Malugiuk https://sulinal.nanoq.gl matussammat ulloq 15. Septembari 2017, ammaq-qissallunilu imatut ateqarluni https://Sulinalitoqaq.nanoq.gl. Ulloq 16. Septembari 2017 Akileraarutit A-t aammalu Ukiumut akissarsianik nalunaaruteqarneq peeqqasut nittartakkap iluani.

Ulloq 29. Septembari 2017 nittartagaq nutaaq https://sulinal.nanoq.gl ammar-neqassaaq, Akileraarutit A-t aammalu Ukiumut akissarsianik nalunaaruteqarneq tassani ikkusimallutik.

Malugiuttaaq filformat 1. januar 2017-mi nassuiaatit sukumiisut nassiunneqarnerani allannguutip aamma malitsigissammagu ukiup naanerani ukiumut akissarsiat allagar-taasa nalunaarutiginissaannut - isertitanut paasissutissaq allannguuteqartussaammat. Taanna kingusinnerusukkut nalunaarutigineqarumaarpoq.

Qulaani taaneqartunut atatillugu apeqqutit nalornissutit innersuussutigissavarput uunga allagaqarnermi saaffiginnittoqassammat:

Sulinal@nanoq.gl imaluunniit sianernikkut uunga +299 346081-imut.

 

Inussiarnersumik inuulluaqqusilluta

Akileraartarnermut Aqutsisoqarfik